काठमाडौं : नेपाली कांग्रेसका नेता‚ सांसद तथा समाजवादी चिन्तक प्रदीप गिरिको स्वास्थ्य स्थिति गम्भीर भएपछि उनको उपचार सघन उपचार कक्ष (आइसियू) मा भइरहेको छ।
घाँटीको क्यान्सरबाट पीडित भइ करिब ३ साताअघि ललितपुरस्थित मेडिसिटी अस्पतालमा भर्ना भएका गिरिको स्वास्थमा थप सुधार नदेखिएपछि आइसियूमा राखी चिकित्सकहरूले स्वास्थ्यमा सुधार गर्न प्रयास गरिरहेको बताएका छन्।
उनको शरिरका अन्य भागमा पनि क्यान्सर फैलिएको छ भने निमोनियासमेत देखिएपछि स्वास्थ्य स्थिति थप जटिल भएको हो।
मेडिसिटीबाट फर्केका नेपाली कांग्रेसका नेता विमलेन्द्र निधीका अनुसार नेता गिरिको स्वास्थ्य अवस्था अत्यन्त गम्भीर छ।
तपाईंको ईमेल गोप्य राखिनेछ ।