लमजुङ : दोलखाको सुरी केन्द्रविन्दु भएर भूकम्प गएको केही समयमा नै लमजुङको मालिङ केन्द्रविन्दु भएर भूकम्प गएको छ।
राष्ट्रिय भूकम्प मापन तथा अनुसन्धान केन्द्र लैनचौरका अनुसार लमजुङको मालिङ केन्द्रविन्दु भएर आज बिहान ११ बजेर ३९ मिनेटमा तीन दशमलव आठ रेक्टर स्केलको भूकम्प गएको हो।
यसअघि आजै बिहान ११ बजेर २७ मिनेट जाँदा दोलखाको सुरी केन्द्रविन्दु भएर पाँच दशमलव दुई रेक्टर स्केलको भूकम्प गएको थियो। पछिल्लो समय नेपालको पूर्व तथा पश्चिम क्षेत्र केन्द्रविन्दु भएर भूकम्प जानेक्रम बढेको छ। नेपालको हिमाली तथा पहाडी क्षेत्रलाई भूकम्पको जोखिम क्षेत्रका रुपमा लिने गरिन्छ।
तपाईंको ईमेल गोप्य राखिनेछ ।