|

इटहरी : सुनसरीको दुहवी नगरपालिका-९ छाताबेलीका ११ घरपरिवार आगलागीपीडितलाई राहत वितरण गरिएको छ।

महिला,  बालबालिका तथा ज्येष्ठ नागरिकमन्त्री भगवती चौधरीले आगलागीपीडित परिवारको घरमै पुगेर उक्त राहत रकम हस्तान्तरण गरेका हुन्।

महिला, बालबालिका तथा ज्येष्ठ नागरिक मन्त्रालय, समाज कल्याण परिषद्ले स्वास्थ्य पोषण शिक्षा तथा कृषि अनुसन्धान विकास केन्द्र, दिनेश चौधरी स्मृति प्रतिष्ठान र लेटर डे सेन्ट च्यारिटिजसँगको समन्वयमा उक्त राहत हस्तान्तरण गरिएको हो।

प्रति परिवारका दरले २५ किलो चामल, ५ किलो दाल, ३ किलो नुन, २ सेट ब्ल्याङ्केट, १ सेट स्ट्याण्ड फ्यान, स्टेशनरी र पेश १ सेट, १ बण्डल जस्ता पाता, १ सेट डिग्निटी किट, १ सेट झुल, किचनका सामग्री र सडना सेट वितरण गरिएको हो।

त्यसैगरी इटहरी नगरपालिका-७ रामजानकी टोल सिसौना निवासी आगलागीपीडित इन्द्रकुमार खड्काको घरमै गएर राहत सामग्री वितरण गरिएको छ। खड्काको घरमै पुगेर मन्त्री चौधरीले राहत सामग्री हस्तान्तरण गरेकी छन्।

खड्काको परिवारलाई सहयोगस्वरूप १२ वटा सिमेन्टका पिलर, १० बोरा सिमेन्ट, ३ ट्याक्टर बालुवा/गिट्टी लगायतका सामग्री सहयोग गरिएको हो। इटहरी-७ का वडा सदस्य दिपक घिमिरेले सहयोग व्यवस्थापन गरेका थिए।

गत वैशाख २१ गते घरमा कोही नभएको दिउँसोको समयमा विद्युत सर्ट भएर खड्काको घरमा आगलागी हुँदा करिब ११ लाख रुपैयाँ बराबरको क्षति भएको थियो।
 

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.