|

काठमाडौं : रुसी राष्ट्रपति रुसी राष्ट्रपति भ्लादिमिर पुटिन उत्तर कोरियाको प्योङयाङ पुगेका छन्। दुई दिने दिने राजकीय भ्रमणका लागि प्योङयाङ पुगेका पुटिनलाई उत्तर कोरियाका नेता किम जोङ उनले विमानस्थलमै स्वागत गरे। 

२४ वर्षपछि पुटिनको यो पहिलो उत्तर कोरिया भ्रमण हो। यसअघि सन् २ हजारमा राष्ट्रपति पद सम्हालेको केही महिनामै पुटिन पहिलो पटक प्योङयाङ पुगेका थिए। 

पुटिनको भ्रमण टोलीमा विदेशमन्त्री सेर्गेई लाभरोभ, रक्षामन्त्री एन्ड्रेई बेलुसोभ, प्रथम उपप्रधानमन्त्री, स्वास्थ्यमन्त्री, पारवहनमन्त्री लगायत उच्च पदस्थ अधिकारी संलग्न छन्। 

उत्तर कोरिया भ्रमणका क्रममा दुई देशबीच रणनीतिक साझेदारी सन्धिका साथै अन्य थुप्रै सम्झौतामा हस्ताक्षर हुने जनाइएको छ।  पुटिनलेआज समकक्षी किमसँग ओपचारिक भेटवार्ता गर्नेछन्।  पुटिनले उत्तर कोरियाका संस्थापक किम इल सुङको समाधिस्थलमा पुगेर श्रद्धाञ्जली अर्पण गरेका थिए। 

पुटिन र किमबीचको भेटवार्तामा रक्षा, अर्थतन्त्र, रुसी मुद्रा रुबेललाई उकास्ने र समसामयिक अन्तर्राष्ट्रिय एजेन्डामा छलफल हुने रुसी सञ्चारमाध्यम तास न्यूजले जनाएको छ।  

बुबा इल सुङको उत्तराधिकारी बनेका किम जोङ उनले मस्को र प्योङयाङबीचको सम्बन्धलाई नयाँ उचाइमा पुर्‍याएको तासले जनाएको छ। किम पहिलो पटक सन २०१९ को अप्रिलमा रेलबाट रुस भ्लादिभोस्तोक पुगेका थिए।  सन् २०२३ को सेप्टेम्बरमा उनी दोस्रो पटक रुस पुगेका थिए। 

युक्रेनमाथि आक्रमण गरेको भन्दै पश्चिमा देशले रुसमाथि विभिन्न प्रकारका प्रतिबन्ध लगाएका छन्। अमेरिकाले पुटिनको भ्रमणलाई नजिकबाट नियालीरहेको जनाएको छ। 

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.