काठमाडौँ : काठमाडौँबाट पोखराका लागि उडेको बुद्ध एयरको विमानमा प्राविधिक समस्या देखिएपछि काठमाडौँ नै फर्किएको छ।
त्रिभुवन अन्तरराष्ट्रिय विमानस्थलबाट उडेको उक्त विमानको इन्डिकेटरमा समस्याको संकेत देखिएपछि विमानचालकले काठमाडौँ नै फर्काएर सुरक्षित अवतरण गराएका छन्।
बुद्ध एयरका अनुसार उडान नम्बर ६५५ विमानमा प्राविधिक समस्या आउनासाथ काठमाडौँ फर्काउने निर्णय गरेर फर्किएको हो।
फ्लाइट राडरका अनुसार उक्त विमानले धावनमार्गबाट उड्नासाथ काठमाडौँमाथिको आकाशमा करिब ३ फन्को लगाएको थियो।
पोखरा उडेको उक्त विमान प्राविधिक समस्याले पुनःकाठमाडौँ अवतरण गरेको विमानस्थलका एक उच्च अधिकारीले बताए।
बुद्ध एयरले अर्को विमानबाट यात्रुलाई पोखरा पुर्याएको छ। तीव्र गतिमा हावा चलेका कारण जनकपुर जाने उडानसमेत रद्द गर्नुपरेको बुद्ध एयरले जनाएको छ।
तपाईंको ईमेल गोप्य राखिनेछ ।