मलंगवा : सर्लाहीको ईश्वरपुर नगरपालिका-५, सखुवनीस्थित फूलजोर खोला नजिक पानीमा डुबेर एक किशोरको मृत्यु भएको छ।
सखुवनीमा फुटबल खेल खेल्न साथीसँगै आएका ईश्वरपुर नगरपालिका-४ सागरनाथका १७ वर्षीय निशान थापा मगरको खोला नजिकै खाल्डोमा जाँदा डुबेर मृत्यु भएको हो। खाल्डो गहिरो भएकाले मृतक किशोरको शव निकाल्न गोताखोर मगाउनु परेको थियो।
बर्दीवासस्थित वाहिनीबाट आएका गोताखोरको टोलीले शव निकालेको सर्लाहीका सशस्त्र प्रहरी उपरीक्षक (एसपी) विनोदराज खनालले बताए।
मृतकको शव पोस्टमार्टमका लागि प्रादेशिक अस्पताल मलंगवा ल्याउने तयारी भइरहेको जनाएको छ।
तपाईंको ईमेल गोप्य राखिनेछ ।