काठमाडौँ : सिन्धुपाल्चोकस्थित भोटेकोशी नदीमा आज अपराह्न खसेको बोलेरो गाडीलाई नदीबाट निकालिएको छ।
सिन्धुपाल्चोकको बाह्रबिसे नगरपालिका–६ स्थित बबन्डरटोलबाट गाडी भोटेकोशी नदीमा खसेको थियो।
क्रेनको सहयोगमा बा २० च २१८५ नम्बरको बोलेर गाडी निकालिएको तर गाडीमा रहेका मान्छे फेला नपरेको सिन्धुपाल्चोकका प्रहरी नायब उपरीक्षक निरञ्जन भट्टराईले थाहाखबरलाई जानकारी दिए।
उनका अनुसार गाडी तातोपानीबाट काठमाडौँ आउँदै गर्दा दुर्घटनामा परेको हो। बोलेरोमा चालक सिन्धुपाल्चोकको भोटेकोशीका ३८ वर्षीय सानु शेर्पा र बाह्रविसेका सुन्तली तामाङ रहेको बुझिएको उनले बताए।
उनीहरूको अवस्था थाहा हुन नसकेको र खोजी जारी रहेको प्रहरीले जनाएको छ।
तपाईंको ईमेल गोप्य राखिनेछ ।