काठमाडौं : आइसिसी विश्वकप क्रिकेट लिग–२ को त्रिकोणात्मक शृङ्खलाअन्तर्गत स्कटल्यान्ड र नेपालबीचको खेल वर्षाका कारण रद्द भएको छ।
अमेरिकाको डालसस्थित ग्राउण्ड प्रेरी क्रिकेट रङ्गशालामा टस हारेर पहिला ब्याटिङ गरेको नेपालले ६ ओभरमा १ विकेट गुमाउँदै २६ रन बनाएको अवस्थामा खेल रोकिएको थियो। आधिहुरी र वर्षाका कारण खेल हुन नसकेपछि दुबै टोलीले १-१ अंक बाँडेका छन् ।
नेपाल १२ खेलमा २ मा जित, ८ मा हार र २ खेल रद्द हुँदा ६ अंकका साथ सातौं स्थानमा छ।
नेपालले अब लिग २ मा २०२५ मे मा स्कटल्यान्डमा गएर खेल्नेछ।
तपाईंको ईमेल गोप्य राखिनेछ ।