काठमाडौं : युरोपेली च्याम्पियन्स लिग फुटबलमा बार्सिलोनाले क्रेभेना जेभेज्दामाथि शानदार जित निकालेको छ।
गएराति भएको खेलमा खेलमा बार्सिलोना ५–२ गोलले विजयी भयो। बार्साको जितमा भेट्रान फरवार्ड रोबर्ट लेवनडोस्कीको गोल संख्या ९९ पुगेको छ। उनीबाहेक बेलग्रेडमा इनिगो मार्टिनेज, राफिन्हा र फेरमिनो लोपेजले गोल गरे। हान्सी फ्लिकको टिमको यो सबै खाले प्रतियोगितामा गरेर लगातार सातौं जित हो।
जीतसँगै बार्सिलोनाको ४ खेलमा ९ अङ्क भएको छ ।
अर्को खेलमा बार्यन म्युनिखले बेनिफिकालाई र इन्टर मिलानले आर्सनललाई १–० गोलले पराजित गरेको छ। त्यस्तै एटलान्टाले भीएफबी स्टुटगार्टलाई २–० ले गोलले हराएको छ।
यस्तै गएरातिका खेलमा साख्तर डोनेत्स्कले योङ्ग ब्वाइजलाई २–१ ले गोलले, आरबी साल्जबर्गले फिएनोडलाई ३–१ ले गोलले, एथ्लेटिको मड्रिडले पेरिस सेन्ट जर्मेइन पीएसजीलाई २–१ ले र ब्रिस्टले स्पार्टा प्राहालाई २–१ ले पराजित गरेको छ। यस्तै बरुग्गीले एस्टन भिल्लालाई १–० ले हराएको छ।
तपाईंको ईमेल गोप्य राखिनेछ ।