डडेल्धुरा : डडेल्धुरा पुगेर सोमवार परशुराम धामको दर्शन गरेका नेपाली कांग्रेसका सभापति शेरबहादुर देउवाले जिल्लामा अझै अधुरा रहेका सबै आयोजना पूरा गर्ने प्रतिबद्धता जनाएका छन्।
उनले रङ्गुन नदीमा तटबन्ध निर्माण, परशुराम नगरपालिका–६ र १२ जोड्ने रङ्गुन नदी र सलुन–शीर्ष–रुपाल जोड्ने सडकखण्डमा पक्की पुल निर्माण, सडक बाटोको स्तरोन्नति र कालोपत्रे गर्ने प्रतिबद्धता जनाएका हुन्।
सोमवार विहान चुरे र महाभारत पर्वतको संगमस्थलमा अवस्थित प्राकृतिक आलितालको अवलोकनपछि कांग्रेस सभापति देउवाले महाकाली नदी किनारको परशुराम धाम पुगेर बाबा परशुरामको दर्शन गरेको कांग्रेस डडेल्लधुराका सभापति भीमबहादुर साउदले जानकारी दिए।
डडेल्लधुरा प्राकृतिक रूपमा रमणीय र थुप्रै धार्मिकस्थल, शक्तिपीठ भएको जिल्ला भएकाले धार्मिक पूर्वाधारहरूको विकास गरेर धार्मिक क्षेत्रको विकास गर्ने देउवाले बताए। धार्मिक पूर्वाधारहरू निर्माण भएपछि यहाँको जनजीविकामा परिवर्तन हुने उनको भनाइ छ।
तपाईंको ईमेल गोप्य राखिनेछ ।