काठमाडौं : एन्फा महिला लिग फुटबलमा शुक्रबार बागमती युथ क्लब र वालिङ नगरपालिकाबीच प्रतिस्पर्धा हुने भएको छ।
एन्फा कम्प्लेक्स सातदोबाटोमा दिउँसो ३ बजे शुरु हुने खेलमा यी दुवै टोली अन्तिम चरणको खेलमा पहिलो जितको खोजीमा हुनेछन्। बागमती युथ क्लब यसअघि पुलिस क्लबसँग २–० र एपीएफसँग ५–१ गोलले पराजित भएको थियो।
यस्तै वालिङ नगरपालिका पुलिससँग ५-० र एपीएफसँग ९-० गोलको फराकिलो अन्तरले पराजित भएको थियो। लगातार जितविहीन रहेका बागमती र वालिङ आज जित दर्ता गर्दै शीर्ष ४ भित्र पर्ने दाउमा रहनेछन्।
यसअघि बिहीबार भएको विभागीय डर्बी खेलमा एपीएफले पुलिस क्लबविरुद्ध सनसनीपूर्ण जित निकालेको थियो। उसले पुलिसविरुद्ध ६-० गोलको जित निकालेको हो।
तपाईंको ईमेल गोप्य राखिनेछ ।