पाकिस्तानको बलुचिस्तानबाट अपहरित ३०० जनाको उद्धार गरिएको छ। यस क्रममा ३३ अपहरणकारी मारिएको सुरक्षा स्रोतले जनाएको छ। अपहरणकारीले २१ सर्वसाधारण र ४ सैनिकलाई मारेको बीबीसीले जनाएको छ।
मंगलबार क्वेटाबाट पेशाबरतर्फ जाँदै गरेको जाफर एक्सप्रेसको रेललाई बीच बाटोमा रोकेर बलुच लिबरेसन आर्मी (बीएलए)ले यात्रीलाई अपहरण गरेको थियो। रेलमा करिब ४०० जना थिए। तीमध्ये १०० सैनिक पनि थिए। अपहरणकारीले २१ सर्वसाधारण र ४ सैनिकलाई मारेको बीबीसीले जनाएको छ।
पाकिस्तानी सेनाले ३६ घण्टाको अप्रेसनपछि ती यात्रीलाई सकुशल उद्धार गरिएको जनाएको छ। ती अप्रेसन शुरु हुनुभन्दा अगाडि नै अपहरणकारीले २५ जनालाई मारेको सैन्य अधिकारीले बताए।
बीएलएले रेलका यात्री अपहरण गरी आफ्ना कार्यकर्तालाई ४८ घण्टाभित्र विनाशर्त रिहा गर्न माग गरेको थियो । तर सरकारले सैनिक टोली परिचालन गरेको थियो।
तपाईंको ईमेल गोप्य राखिनेछ ।