संखुवासभा : अरुण तेस्रो जलविद्युत आयोजनाको ड्याम साइट निर्माणस्थको सुरुङमा पहिरो जाँदा पुरिएका चारजनाको ३९ घण्टापछि सकुशल उद्दार गरिएको छ।शुक्रबार पहिरो साझँ लगभग ८:४० बजे पुरिएका उनीहरूलाई आइतबार साढे ११ बजेतिर शकुसल उद्दार गरिएको हो।
उनीहरूमध्ये कालिकोटका प्रदीप शाही, जुम्लाका प्रेम परियार, भारत झारखण्डका बुधन मुन्डा र भारत बिहारका चन्द्र किशोरको उद्दार गरिएको संखुवासभा प्रहरी प्रमुख श्याम सारु मगरले जानकारी दिए। उद्दार गरिएकाहरूमा दुई जना नेपाली कामदार छन् भने दुई जना भारतीय इलेक्टिसियन र अपरेटर हुन्।
उनीहरूमध्ये एक जना घाइते रहेको मगरले जानकारी दिए।
उनीहरूलाई उपचारका लागि सदरमुकाम खाँदबारी ल्याउने तयारी भइरहेको प्रहरीले जानकारी दिएको छ।
तपाईंको ईमेल गोप्य राखिनेछ ।