काठमाडौं : नेपाल चेम्बर अफ कर्मशले यूरोपेली युनियनका मुलुकहरूमा नेपालको आर्थिक तथा व्यपारिक सम्वन्ध थप विस्तार गर्न माग गरेको छ। बेल्जियम, नेदरल्याण्ड र लक्जेम्बर्गका लागि नेपाली राजदूत लोकबहादुर थापासँगको भेटमा चेम्बर अध्यक्ष राजेशकाजी श्रेष्ठ थप आर्थिक तथा व्यापारिक सम्बन्ध विस्तरको आवश्यकता रहेको औल्याएका हुन्।
राजदूत थापाले आफूले ती मुलुक र नेपाल बीच आर्थिक सम्बन्ध मजबुत बनाउन उच्च निजी क्षेत्रको सुझावलाई आत्मसाथ गर्ने बताए। युरोपियन युनियनका लागि समेत राजदूत थापाले युरोपियन युनियनले प्रदान गरेको एभ्रिथिङ्ग वट आर्म (ईबीए) अन्तर्गत नेपाल जस्तो अल्पविकसित मुलकबाट विना भन्सार निर्यात गर्ने अवसरको प्रचुरतम फाइदा नेपाले लिनको लागि आफ्नो तर्फबाट प्रवर्द्धन रहेको बताउदै निजी क्षेत्रले उत्पादनदेखि निकासी बजार तहसम्म वस्तु विकास र निकासीमा जोड दिनुपर्ने बताए। लगानी सुरक्षित गर्न इयूका सदस्य राष्ट्रहरुसँग विप्पा र दोहोरो कर उन्मुक्ति सम्झौता क्रमश तीब्रताका साथ गर्दै जानु पर्ने बताए।
चेम्बर अध्यक्ष श्रेष्ठले नेपालमा जलविद्युत, पर्यटन, उत्पादनमूलक उद्योग लगायतका क्षेत्रमा बेल्जियम, नेदरल्याण्ड तथा लक्जेम्बर्गबाट लगानी एवं प्रविधि भित्र्याउन कुटनीतिक पहल हुनुपर्नेमा बताए। उनले नेपाल र नेपाली उत्पादन र लगानीका क्षेत्रहरुको प्रवर्द्धन गर्न आर्थिक कुटनीति सक्रिय हुनुपर्ने बताए।
तपाईंको ईमेल गोप्य राखिनेछ ।