|

फिजीमा आएको सामुद्रिक आँधीका कारण कम्तीमा दुई व्यक्ति वेपत्ता भएका छन्।  ‘तीनो’ नामक शाक्तिशाली आँधीका कारण अरु तीन हजार विस्थापित भएका छन्।

विस्थापित ती व्यक्तिहरू शरणार्थी शिविरमा बस्न बाध्य भएका अधिकारीहरूले जनाएका छन्। शनिबार तीन चरणमा आँधी आएका फिजीको मौसम विज्ञान विभागले जनाएको छ।  समाचारमा जनाइएअनुसार आँधीले घर, खेतीपातीसँगै धेरै भौतिक संरचनामा पनि क्षति पुर्‍याएको छ।

'समुद्र धेरै माथि देखिएको थियो। यसले समुद्रभन्दा बाहिरी भागमा पनि धेरै ठाउँमा असर पार्ने भन्ने मलाई लागेको थियो,' एक स्थानीयले एएफपीसँग भने। 

फिजीको राष्ट्रिय प्रकोप व्यवस्थापन कार्यालयका कर्मचारीले विस्थापितका लागि तत्काल तीन हजार एक सय १५ अस्थायी शिविरहरूको आवश्यकता परेको बताएका छन्। आँधीका कारण घरमा क्षति नपुगेकालाई भने चाडै नै घर फर्काउन सकिने पनि कर्मचारीले जानकारी दिएका छन्।

'हामीलाई थाहा छ। विस्थापित मध्ये अधिकांशलाई अस्थायी शिविरको आवश्यकता पर्दछ। किनकि अहिले अत्यधिक वर्षा भइरहेको छ। थप खतराको चेतावनी पनि दिइएको छ,' वरिष्ठ अधिकृत उरैया रैनिमाले भने। 

उनले अधिकांश घर फर्किन थालिसकेको सूचना आफूहरूलाई प्राप्त भएको पनि जानकारी दिए। आँधी आएको ताभेनी टापुमा झण्डै १९ हजार मानिस बसोबास गर्ने गरेका थिए। त्यस क्षेत्रमा अहिले विद्युत् सेवा अवरुद्ध भएको छ।

विस्थापितले आफ्ना परिवारजनको खोजी पनि गरिरहेका छन्। आँधीकै कारण कसैको मृत्यु भएको खवर भने आएको छैन।

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.