समाज

डडेल्धुरा दुर्घटना : घाइते पाँचजनालाई जिल्लाबाहिर 'रिफर'

फागुन ३, २०७६

    डडेल्धुरा : डडेल्धुरामा शनिबार दिउँसो बस र हाइस ठोक्किँदा घाइते भएका ६ जनामध्ये पाँचजनालाई जिल्ला बाहिर रिफर गरिएको छ। डडेल्धुरा अस्पताल डडेल्धुरामा उपचार सम्भव नभएपछि पाँचजनालाई जिल्लाबाहिर रिफर गरिएको हो।

    घाइते हुनेमध्ये हाइस चालक डोटीको जोरायल गाउँपालिका २ का २३ वर्षीय विमलबहादुर थापा, दिपायल सिलगढी नगरपालिका ७ का ५० वर्षीय रतनबहादुर विष्ट, पूर्वीचौकी गाउँपालिका ३ का ३१ वर्षीय वीरेन्द्र उपाध्याय, डडेल्धुरा नवदुर्गा गाउँपालिका ३ का ३६ वर्षीय विक्रम विक र कैलाली फूलबारीकी ४० वर्षीया चन्द्र पोखरेललाई जिल्ला बाहिर रिफर गरिएको जिल्ला प्रहरी कार्यालय डडेल्धुराका प्रहरी नायव उपरीक्षक दधिराम न्यौपानेले जानकारी दिए।

    डोटीको शिखर नगरपालिका ८ का ३४ वर्षीया अमृता घिमिरेको अवस्था सामान्य रहेकाले उनको डडेल्धुरा अस्पतालमै उपचार भइरहेको प्रहरीले जनाएको छ। हाइस चालक थापाको टाउकोमा चोट लागेको छ। अन्य घाइतेको हात, खुट्टा र टाउकोमा चोट लागेको प्रहरी नायव उपरीक्षक न्यौपानेले जानकारी दिए।

    कैलालीको टीकापुरदेखि अछामतर्फ आइरहेको ना ६ ख १९८० नम्बरको बस र दिपायलबाट धनगढी जाँदै गरेको से १ ख १७३६ नम्बरको हाइस शनिबार जिल्लाको गन्यापधुरा गाउँपालिका १ साहुखर्कमा एकआपसमा ठोक्किएका थिए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]