साहित्य

कविता : मार्क्स र पुलिस

फागुन २४, २०७६

    यतिबेला म
    कुनै अपराधी जस्तो

    किताब बोकेको आरोपमा
    समातिएको छु सिमानामा
    पुलिस खोतली रहेछ मेरो झोला
    ओल्टाई पोल्टाई गरेर
    निहाली रहेछ किताबको अक्षर
    र आपत्ति जनाइ रहेछ
    किताबले बोकेको विचारसँग।


    ओ मेरो प्रिय दोस्त कार्ल मार्क्स
    यतिबेला म
    तिमीले लेखेको विचारको किताब
    बोकेको उजुरीमा
    थुनिएको छु पुलिस थानामा।


    खासमा विचारसँग
    सत्ता डराउँछ कि पुलिस?
    कि डराउँछ पुँजीवादी समाज?


    पुलिस सोधिरहेछ मेरो आइडिन्टिडी
    गरिसकेको छ
    मलाई अपराधी घोषणा
    र जलाइ रहेछ
    मेरै आँखाअघि
    मार्क्सको विचार बोकेको मेरो प्रिय किताब।


    ओ मेरो प्रिय दोस्त कार्ल मार्क्स
    र पनि म गरिरहेछु तिम्रो विचारको समर्थन।


    कायर ईश्वर हराएको दिन
    बचाएको हो मान्छेलाई प्रकृतिले
    अनि रूपान्तरण भएको हो प्रकृति देवतामा।


    खासमा विचारसँग
    धर्म प्रचारक डराउँछ कि मान्छे?
    कि डराउँछ देश?


    ओ मेरो प्रिय दोस्त कार्ल मार्क्स
    जुन दिन जलाइयो तिम्रो विचार बोकेको किताब
    पुलिस कार्यालयमा
    हो त्यही दिनयता
    पुलिससँग मेरो कट्टर दुश्मनी बढेको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]