समाज

आँबुखैरनी दुर्घटनामा मृत्यु हुने दुईको सनाखत

बस चालक फरार

चैत ९, २०७६

    तनहुँ : पृथ्वी राजमार्गअन्तर्गत तनहुँको आँबुखैरेनी गाउँपालिका–४ ऐनापहरामा बस दुर्घटनामा परी निधन हुने दुई जनाको सनाखत भएको छ। उक्त दुर्घटनामा परी २७ जना घाइते भएका छन्।

    मृत्यु हुनेमा सल्यानका २२ वर्षीय सन्दीप ओली र सल्यानकै ४० वर्षीय चुडामणि रेग्मी रहेका छन् भने एक जनाको सनाखत हुन बाँकी रहेको जिल्ला प्रहरी कार्यालय तनहुँका प्रमुख प्रहरी उपरीक्षक विनोद सिलवालले जानकारी दिए। २७ जना घाइतेमध्ये दुई जनाको पोखरा, १६ जनाको चितवनको भरतपुर मेडिकल कलेज उपचार भइरहेको छ भने ११ जनाको आँबुखैरेनीस्थित छिम्केश्वरी अस्पतालमा उपचार भइरहेको सिलवालले बताए।

    उनका अनुसार पोखराबाट दाङ जाँदै गरेको ना५ख ४२९४ नम्बरको बस सडकबाट करिब एक सय मिटर तल खसेको थियो। विभिन्न कलकारखानामा काम गर्ने कामदार नोभल कोरोना भाइरस फैलिएसँगै बिदामा घरतर्फ फर्किदै गरेको हुन सक्ने अनुमान प्रहरीले गरेको छ। उक्त बसमा करिब ३० जना सवार रहेको बताइएको छ। बस चालक भने फरार रहेको र उनको खोजी कार्य जारी रहेको जिल्ला प्रहरी कार्यालय तनहुँले जनाएको छ। 
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]