समाज : सुरक्षा/अपराध

लकडाउनको मौका छोपी वन तस्कर सक्रिय

चैत २५, २०७६

    सिमरा (बारा) : लकडाउनको मौका छोपेर बारामा वन तस्करहरु सक्रिय  भएका छन्। डिभिजन वन कार्यालय बाराको वन गस्ती टोलीले सोमबार नमोवुद्ध सामुदायिक वन क्षेत्रवाट चोरी तस्करी गरी लुकाइराखेको ३२ क्युफिट सालको चिरान काठ बरामद गरेको छ।

    डिभिजन वन कार्यालय बारा र सब डिभिजन वन कार्यालय पथलैयाको संयुक्त वन सुरक्षा टोलीले जितपुरसिमरा उपमहानगरपालिका–२२ को चकरीस्थित एक स्थानीयको  गोठवाट काठ बरामद डिभिजन वन कार्यालय बाराका वन अधिकृत मञ्जुर अहमद्ले जानकारी दिए।

    ‘काठ लुकाई राख्ने स्थानीयको नाम ठेगाना र काठ तस्करीमा संग्लनहरुको खोजी भइरहेको छ,’ डिभजन वन अधिकृत अहमदले  भने, ‘स्थानीय जनप्रतिनिधिहरुको सहयोगमा हामीले तस्करी गरेको काठ बरामद गर्यौं अब यो चिरानमा कति जना संग्लन थिए, गोठमा लुकाएर राख्ने घरवाला सहित सबैको खोजी गरेर नियन्त्रणमा लिन्छौं।’

    कोरोना भाइरस नियन्त्रणका लागि सरकारले गरेको लकडाउन कार्यान्वयन गर्न ठूलो सख्यामा सुरक्षाकर्मीहरु खटिएको अवस्थामा वन तस्कर  तथा  वन शिकारीहरुको गतिवधि वन क्षेत्रमा ह्वात्तै बढेको छ। लकडाउनको दुई साताको अवधिमा मात्रै वन रक्षकहरुले बारामा तीनवटा तस्करीका घटना सार्वजनिक गरिसकेको छ। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]