ल्याटिन अमेरिकी देश भेनेजुएलाको एक कारागारमा हिंसा भड्किँदा कम्तिमा ४६ जनाको ज्यान गएको छ। घटनामा ६० जना घाइते भएका छन्।
भेनेजुएलाको पश्चिमी नगर गुआनारेनजिक पर्ने लोस लानोसस्थित कारागारमा रहेका कैदीहरू खाना र पानीको अभावलाई लिएर आक्रोशित बनेका थिए। उक्त घटनामा गभर्नरसहित कारागारका कर्मचारी समेत घाइते भएका छन्। कारागारसम्बन्धी मामिला हेर्ने मन्त्री आइरिस भारेलाले घटना भएको पुष्टि गरे।
कोरोनाभाइरस सङ्क्रमण नियन्त्रणका लागि भेनेजुएला सरकारले विभिन्न कदमहरू चालेपछि देशका फोहोर र कैदीले खचाखच कारागारहरूमा दङ्गाका घटना बढ्दो छन्।
क्वारन्टीनसम्बन्धी नियमहरूका कारण कैदीहरूले आफन्तले ल्याइदिएका खानेकुरा लिन पाउँदैनन् जुन खानेकुरामा उनीहरू निर्भर रहन्छन्। भेनेजुएलन प्रिजन अब्जर्भेटरीका अनुसार दङ्गामा ४६ जना कैदीको ज्यान गएको छ र एउटा स्थानीय अस्पतालको आकस्मिक उपचार कक्ष घाइतेहरूले भरिएको छ।
तपाईंको ईमेल गोप्य राखिनेछ ।