समाज

कैलाली अत्तरियाका ५० पसल सिल

जेठ ९, २०७७

    डडेल्धुरा : कैलालीको अत्तरिया बजारमा रहेका ५० वटा पसल सिल गरिएको छ। गोदावरी नगरपालिका २ पहाड रोडमा अवस्थित अत्तरिया चोकदेखि उत्तरपट्टिका करिब ५० पसल सिल गरिएको हो।

    बिहीबार साँझ भारतबाट उद्दार गरिएकाहररू उक्त क्षेत्रका मानिसहरुको सम्पर्कमा आएकाले पसलहरू सिल गरिएको गोदावरी नगरपालिकाका प्रवक्ता शमानन्द भट्टले जानकारी दिए।

    उनले कोरोनाको जोखिमयुक्त क्षेत्रबाट आएकाहरुको सम्पर्कमा आएकाले सो क्षेत्रमा जोखिम बढेकाले सिल गरिएको बताए। उनका अनुसार सो क्षेत्रका मानिस त्रसित भएपछि सिल गरिएको हो।

    भारतबाट गाडीहरुमा आएका मानिसहरुसंग सामान किन्ने क्रममा प्रत्यक्ष सम्पर्क भएको र भारतबाट उद्दार गरिएर ल्याएकाहरुले उक्त क्षेत्रका पसलहरुबाट समान किनेको पाइएको उनको भनाइ छ। प्रवक्ता भट्टका अनुसार केही व्यक्ति गाडी भित्रै सामान पनि पुर्‍याउन गएका र त्यहाँ स्थानीय नै त्रसित भएपछि सिल गरिएको हो।

    उनीहरूको प्रत्यक्ष सम्पर्कमा आएकाहरुको स्वाब संकलन गर्नका लागि तथ्यांक संकलन भइरहेको उनले जानकारी दिए। बिहीबार गौरीफन्टा नाकाबाट दुई हजार बढी नेपालीलाई उद्दार गरी स्वदेश ल्याइएको थियो।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]