कोभिड-१९ {अपडेट}

मृतक महिलाको सम्पर्कका आएका १८७ जनामा देखिएन काेराेना

जेठ ९, २०७७

    सिन्धुपाल्चोक : कोरोना भाइरस संक्रमणबाट मृत्यु भएकी महिलाको सम्पर्कमा रहेका १ सय ८७ जनामा कोरोना संक्रमण नरहेको पुष्टि भएको छ।

    गत हप्ता कोरोना भाइरस संक्रमणबाट बाह्रिबसे ९ की एक सुत्केरीकाे मृत्यु भएपछि नमुना संकलन गरी परीक्षण गरिएको थियो। १ सय ९७ संकलित नमुनामध्ये १ सय ८७जनाको रिपोर्ट प्राप्त भएको जिल्ला जनस्वास्थ्य कार्यालयले जनाएको छ।

    मृतक महिलाकाे ‘कन्ट्राक्ट ट्रेसिङ’ गरी स्वाब संकलन गरिएको जनस्वास्थ्य कार्यालयका सूचना अधिकारी कृष्णराज तिवारीले जानकारी दिए। ‘मृत्यु भएकी महिलाको प्रत्यक्ष सम्पर्कमा १ सय ९७ जना रहेको पाइयो र सबैको परीक्षण गरिएको छ,’ सूचना अधिकारी तिवारीले भने, यसअघि ५४ र आज १ सय ३३ जनाको रिपोर्टमा संक्रमण देखिएको छैन।’

    उनले परिवारका सबै सदस्यको कोरोना परीक्षण सकिएको र कसैमा पनि संक्रमण नरहेको जानकारी दिए । पहिलो चरणामा ५४ र आज शुक्रबार १ सय ३३ जनाको रिपोर्ट नेगेटिभ आएको छ। अझै  ८ जनाको रिपोर्ट आउन बाँकी रहेको स्वास्थ्य कार्यालयले जनाएको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]