कोभिड-१९ {अपडेट}

कोरोना अस्पतालमा २२ संक्रमित, क्वारेन्टाइनमा दुई हजार ८२७ जना

जेठ १३, २०७७

    दाङ : तुलसीपुर उपमहानगरपालिका–१७ बेलझुण्डीमा रहेको कोरोना विशेष अस्पतालमा थप चारजना कोरोना संक्रमितलाई भर्ना गरिएको छ। योसँगै अस्पतालमा कोरोना संक्रमितको संख्या २२ जना पुगेको छ।

    रुपन्देहीका तीन र बर्दियाबाट एकजना कोरोना संक्रमित अस्पतालमा ल्याइएपछि संक्रमितको संख्या २२ पुगेको कोभिड १९ फोकल पर्सन कमल चन्दले जानकारी दिए। अस्पतालमा दाङका तीन, कपिलवस्तुका ६, बाँकेका आठ, बर्दियाका दुई र रुपन्देहीका तीनजना रहेका छन्। उनीहरु सबैको स्वास्थ्य अवस्था सामान्य रहेको अस्पतालले जनाएको छ।

    त्यसैगरी दाङका १० स्थानीय तहले निर्माण गरेका क्वारेन्टाइनमा सोमबारसम्म दुई हजार ८२७ जना रहेका फोकल पर्सन चन्दले जानकारी दिए। तीमध्य धेरै जसो भारतबाट र अन्य केही नेपालका विभिन्न जिल्लाबाट आएका हुन्। 

    सबैभन्दा बढी  घोराही उपमहानगरको क्वारेन्टाइनमा ९२६ र  बंगलाचुली गाउँपालिकामा ८२३ जना रहेका छन्। दाङमा चार हजार ८७६ शय्याको क्वारेन्टाइन स्थापना गरिएको  छ। यस्तै, १६६ शय्याको आइसोलेसन कक्ष रहेको छ। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]