समाज

गड्डाचौकीबाट दुई दिनमा भित्रिए तीन हजार ३२७ जना

जेठ १४, २०७७

    कञ्चनपुर :  पश्चिमी सीमा नाका गड्डाचौकी हुँदै सोमबार र मंगलबार गरी तीन हजार ३२७ जना नेपालीहरु स्वदेश फर्किएका छन् ।

    सोमबार दुई हजार ६३७ र मंगलबार ६९० जना भित्रिएका छन् । भारतका विभिन्न क्षेत्रबाट आएका उनीहरुलाई नेपाली सेनाको टोलीले तापक्रम नापेर प्रवेश दिएको हो ।

    उनीहरुलाई भारतीय प्रशासनले दशगजा क्षेत्रसम्म बसमार्फत ल्याएका थिए। सशस्त्र प्रहरीले नेपाल प्रवेश गर्दा उनीहरुको व्यक्तिगत विवरण राखेको छ। बिहान ६ बजे देखि १० बजेसम्म सीमा नाकामा प्रवेश दिइएको थियो। 

    नेपाल प्रवेश गरेकाहरुलाई खाना र खाजा तथा सवारी साधानको व्यवस्था गरी सम्बन्धित जिल्लाको स्थानीय तहमा पठाइएको जिल्ला प्रशासन कार्यालय कञ्चनपुरका सहायक प्रमुख जिल्ला अधिकारी गोकर्णप्रसाद उपाध्ययले बताए। 

    सीमावर्ती भारतीय बजार खटिमा, रुद्रपुर, वनवसा र टनकपुरका क्वारेन्टाइनमा रहेको र भारतका विभिन्न ठाउँबाट आएका नेपालीहरुलाई सीमा नाकामा प्रवेश दिइएको हो। साँझको बेला भने सीमा नाका प्रवेश नदिइने बताइएको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]