धनकुटा : धनकुटामा कोरोना संक्रमण पुष्टि भएका ४ जना कोरोना मुक्त भएर धनकुटा आएका छन्।
स्थायी ठेगानाका आधारमा धनकुटाका ४ जना स्वनास्थ्यकर्मी डिस्चार्ज भएर धनकुटा आएका हुन्। उनीहरुसँगै अन्य २ सुरक्षाकर्मी र स्वास्थ्यकर्मीका परिवार १ गरि ७ जना डिस्चार्ज भएको धनकुटा अस्पतालका निमित्त मेडिकल सुपरिटेन्डेन्ट डा. पुजन विश्वकर्माले बताए। धनकुटामा संक्रमण पुष्टि भएर डिस्चार्ज हुने २ जना सुनसरीका र १ जना सप्तरीका रहेका छन्।
धनकुटा आएका ४ जना नै धनकुटा अस्पतालका स्वास्थ्यकर्मी रहेका छन्। ७ जना कोरोनामुक्त भएसँगै धनकुटामा बुधबार संक्रमण पुष्टि भएका सहिद भुमि गाउँपालिकाका १ पुरुष मात्रै संक्रमित रहेका छन्। कोरोनामुक्त भएका धनकुटाका ४ जना बिहीबार बेलुका धनकुटा आएका हुन भने अन्य ३ जनामा २ जना सुनसरी र १ जना सप्तरी गएका छन्।
कोरोनामुक्त भएर धनकुटा आएका ४ जनालाई बिहीबार बेलुका धनकुटामा स्वागत गरिएको छ। बिहीबार बेलुका साढे ८ बजे धनकुटा आइपुगेका उनीहरुलाई अस्पताल विकास समितीका सदस्य तथा रेडक्रस धनकुटाका सभापति हरिकुमार राई, धनकुटा अस्पतालका निमित्त मेडिकल सुपरिटेन्डेन्ट डा. पुजन विश्वकर्मालगायत अस्पतालका स्वास्थ्यकर्मी तथा कर्मचारीहरुले स्वागत गरेका थिए।
उनीहरुलाई २ हप्तापछि काममा फर्काइने र अहिले सेल्फ क्वारेन्टाइनमा राखिने धनकुटा अस्पतालका निमित्त मेसु डा. विश्वकर्माले जानकारी दिए। यस्तै विराटनगरको कोशी अस्पताल कोभिड–१९ उपचार केन्द्रमा उपचाररत धनकुटाका ७ जना सहित अन्य २० जना कोरोना मुक्त भएका छन। कोभिड १९ उपचार केन्द्रमा उपचाररत ४१ मध्ये २७ जनाको पीसिआर परीक्षणमा कोरोना मुक्त देखिएपछि डिस्चार्जको गरिएको छ।
तपाईंको ईमेल गोप्य राखिनेछ ।