दाङ : दाङमा प्रहरीले ब्राउन सुगरसहित २ जनालाई पक्राउ गरेको छ। ईलाका प्रहरी कार्यालय तुलसीपुरले १४ ग्राम १० मिलीग्राम ब्राउनसुगर सहित २ जनालाई पक्राउ गरेको ईलाका प्रहरी कार्यालय तुलसीपुरले जनाएको छ।
अमिलिया देखी तुलसीपुर तर्फ आउदै गरेको अवस्थामा तुलसीपुर १३ दमारगाउँमा शनिवार बेलुका ५ बजेतिर अस्थायी प्रहरी चेकपोष्टमा चेकजाँच गर्दा बाँके कोहलपुर नगरपालिका ७ का २८ बर्षीय श्री बहादुर रावत र बाँके कै बैजनाथ गाउँपालिका १ चिसापानीका २४ बर्षीय सुजन शाही रहेको ईलाका प्रहरी कार्यालय तुलसीपुरका प्रवक्ता एवं ईन्स्पेक्टर चक्र डमरपालले जानकारी दिए।
रावतले चलाएको भे २ प २७४ नम्बरको मोटरसाईकको सिट मुनी र शाहीले लुकाई राखेको अवस्थामा उक्त ब्राउनसुगर बरामद गरेको प्रहरीेले जानकारी दिएको छ। उनीहरुलाई ईप्रका तुलसीपुर ल्याएर थप अनुसन्धान भईरहेको प्रहरीले जनाएको छ।
तपाईंको ईमेल गोप्य राखिनेछ ।