काठमाडौं : विश्वकप प्लेअफमा वेल्स फिफा विश्वकप २०२२ अन्तरगतको प्ले अफको फाइनलमा पुग्न सफल भएको छ।
अष्ट्रियालाई पराजित गर्दै वेल्स विश्वकपको छनोट नजिक पुगेको हो। त्यस्तै अर्को खेलमा स्विडेनले चेक रिपब्लिकलाई १-० ले पराजित गर्दै प्लेअफको फाइनलमा स्थान बनायो।
कार्डिफ सिटीमा बिहीबार राति भएको खेलमा वेल्सले अष्ट्रियालाई २-१ ले पराजित गर्दा ग्यारेथ बेल नायक सावित भएका थिए। खेलको २५औं मिनेटमा बेलले फ्रिकिकमा सिधै गोल गर्दै वेल्सलाई १-० को अग्रता दिलाए। ५१औं मिनेटमा बेललेनै व्यक्तिगत र टोलीका लागि दोस्रो गोल गर्दै वेल्सको अग्रता दोब्बर पारे।६४औं मिनेटमा मार्सल सवित्जरले गोल गर्दै खेललाई २–१ को अवस्थामा ल्याएपनि त्यसपछि थप गोल हुन नसक्दा वेल्सले फाइनलमा स्थान बनायो।
प्ले अफकै सेमिफाइनलको अर्को खेलमा स्वीडेनले अतिरिक्त समयमा चेक रिपब्लिकलाई १-० ले पराजित गर्दै फाइनल यात्रा तय गर्यो। स्वीडेनको जितमा रोविन क्वाइसनले ११०औं मिनेटमा गोल गरेका थिए।
अब प्ले अफको फाइनलमा पोल्यान्ड र स्वीडेन, पोर्चुगल र नर्थ म्यासेडोनिया तथा वेल्स र स्कटल्यान्ड र युक्रेनबीचको विजेताबीच प्रतिस्पर्धा हुने छ। युक्रेन र स्कटल्यान्ड बिचको खेल भने हुन सकेको छैन्।
तपाईंको ईमेल गोप्य राखिनेछ ।