बैतडी : ढुंगाले लागेर बैतडीमा एक महिलाको मृत्यु भएको छ। मृत्यु हुनेमा जिल्लाको सिगास गाउँपालिका १ सिराड बस्ने २८ वर्षीया मैना धामी रहेकी बैतडीका प्रहरी प्रवक्ता, प्रहरी निरीक्षक लोकराज जोशीले जानकारी दिए।
सिराडमा रहेको उनकाे घरबाट वडा नम्बर ३ मा रहेको अर्को घरमा धान बोकेर गइरहेका बेला माथिबाट खसेको ढुंगाले लागेर मैनाको घटनास्थलमै मृत्यु भएको हो।
साँझको समयमा हावाहुरी र पानी परेका बेला माथिबाट ढुंगा खसेको प्रहरीले जनाएको छ।
मैनाको शव परीक्षणका लागि पाटन प्राथमिक स्वास्थ्य केन्द्रमा ल्याइएको छ।
तपाईंको ईमेल गोप्य राखिनेछ ।