दमौली : पृथ्वीराजमार्गअन्तर्गत तनहुँको याम्पा–आँबुखैरेनी सडकखण्ड अवरुद्ध भएको छ। गएराति परेको पानीका कारण बिहान बन्दीपुर गाउँपालिका–५ याम्पास्थित सडकमा पहिरो खस्दा सडक अवरुद्ध भएको हो।
जिल्ला प्रहरी कार्यालयका प्रहरी नायब उपरीक्षक युवराज खड्काले सडकमाथिबाट खसेको पहिरोका कारण उक्त खण्ड दुईतर्फीरूपमा अवरुद्ध भएको जानकारी दिए। पहिरो हटाएर राजमार्ग सञ्चालन गराउने प्रयास भइरहेको उनले बताए।
पृथ्वीराजमार्ग विस्तारका लागि उक्त ठाउँमा भित्ता काट्ने काम भइरहँदा वेला–वेलामा पहिरो खसेर राजमार्ग अवरुद्ध हुने गरेको छ।
तपाईंको ईमेल गोप्य राखिनेछ ।