विराटनगर : प्रदेश १ का नवनिर्वाचित सांसदहरुको शपथ ग्रहणको तयारी गरिएको छ। विराटनगरस्थित प्रदेशसभा कार्यालयमा केही समयपछि नवनिर्वाचित सांसदहरूले सपथ लिँदैछन्।
शपथ ग्रहणका लागि नवनिर्वाचित सांसदहरूलाई सोमबार १:३० बजेका लागि तयारी भइरहेको हो।
प्रदेश १ का आर्थिक मामिला तथा योजनामन्त्री इन्द्रबहादुर आङ्बो, पर्यटन तथा संस्कृतिमन्त्री खिनु लङ्वा लिम्बू, कमलप्रसाद जबेगु, खगेनसिंह हाङगाम र निर्मला लिम्बूले मातृभाषा अर्थात् लिम्बू भाषाबाट शपथ ग्रहण गर्ने प्रदेशसभा सचिव गोपालप्रसाद पराजुलीले जानकारी दिए।
आङ्बो माओवादी केन्द्रका तर्फबाट पाँचथर (ख)बाट विजयी भएका हुन्। खिनु इलाम १ (क) र जबेगु पाँचथर १(क)बाट एकीकृत समाजवादीबाट, हाङगाम ताप्लेजुङ १ (ख)बाट निर्मला लिम्बू ताप्लेजुङबाट जसपाकी समानुपातिक सांसद हुन्।
शपथ ग्रहणका लागि राष्ट्रिय पोशाक वा आफ्नो संस्कृति झल्कने पोशाक अनिवार्य गरिएको संसद् सचिवालयले जनाएको छ।
तपाईंको ईमेल गोप्य राखिनेछ ।