काठमाडौं : सुडानको राजधानी खार्तुममा युद्धविरामको अवस्थामा समेत हवाइ हमला भएको छ।
नागरिकलाई भाग्न दिने उदेश्यले युद्ध विराम गरेको समयमा हवाई आक्रमणहरु भएको बीबीसीले उल्लेख गरेको छ। सेनाले आफ्नो अर्धसैनिक प्रतिद्वन्द्वी र्यापिड सपोर्ट फोर्सलाई हटाउन सहरमा आक्रमण गरिरहेको बताएको छ।
युद्धरत पक्षहरुले युद्धविराम थप तीन दिन लम्ब्याउने बताएपछि लडाइ चर्किएको अन्तराष्ट्रिय सञ्चारमाध्यमहरुले जनाएको छ। सुडान द्वन्द्वमा परी ५ सय भन्दा बढी नागरिकको मृत्यु भएको रिपोर्ट सार्वजनिक गरिएको छ।
लाखौं व्यक्ति राजधानी खार्तुममा फसेका छन्। सुडानमा आर्मी कमाणडर जनरल अब्देल फताह अल बुर्हान र आरएसएफ प्रमुख जनरल मोहम्मद हमदान डगालो हेमेदती सत्ताको लागि प्रतिष्पर्धा गरिरहेका छन्।
तपाईंको ईमेल गोप्य राखिनेछ ।