काठमाडौं : शहीद स्मारक ए डिभिजन लिग फुटबलमा शनिबार तीन खेल हुँदैछ। च्यासल मैदानमा दिउँसो ३ बजे मछिन्द्र फुटबल क्लब र थ्रीस्टार क्लब भिड्नेछन्।
उपाधि होडमा फर्किन मच्छिन्द्रलाई थ्रीस्टारविरुद्ध जित निकाल्नुपर्ने दबाब छ। मच्छिन्द्र २४ अंकसहित तालिकाको चौथो स्थानमा छ। थ्रीस्टार जित निकाल्दै अंक तालिकामा सुधार गर्ने प्रयासमा रहनेछ।
यही समय दशरथ रंगशालामा चर्च ब्वाइज र त्रिभुवन आर्मी क्लबबीच प्रतिस्पर्धा हुनेछ। त्रिभुवन आर्मी क्लबलाई हराउँदै शीर्ष स्थानमा उक्लिने र तीन अंकको अग्रता लिने अवसर चर्च ब्वाइजलाई छ। चर्च ३० अंकसहित तालिकाको दोस्रो स्थानमा छ।
दोस्रो लेगको चौथो चरणको अन्तिम खेलमा दशरथ रंगशालामा साँझ ६ बजे रोयल ब्लु सातदोबाटो र एपीएफ क्लबबीच प्रतिस्पर्धा हुनेछ। सातदोबाटो २३ अंकसहित पाँचौँ र एपीएफ २२ अंकसहित तालिकाको छैटौँ स्थानमा छन्।
तपाईंको ईमेल गोप्य राखिनेछ ।