दैलेख: दुल्लु नगरपालिका–१ मण्डा टिमीलापानीमा टिपर दुर्घटना हुँदा एक जनाको मृत्यु भएको छ। दुर्घटनामा परी मृत्यु हुनेमा दुल्लु नगरपालिका–७ का ३३ वर्षीय गोपाल थापा रहेका छन्।
तल्लो डुंगेश्वरदेखि दुल्लुतर्फ आउँदै गरेको क प्र ०२००१ क १९९ नम्बरको टिपर सोमबार साँझ ८ बजेतिर दुर्घटना हुँदा घाइते भएका थापाको उपचारका क्रममा दुल्लु अस्पतालमा मृत्यु भएको हो।
दुर्घटनामा अन्य दुई जना घाइते भएका छन्। घाइते हुनेमा दुल्लु नगरपालिका–७ बस्ने चन्द्रबहादुर थापा र प्युठानको ऐरावती गाउँपालिका–५ का मुक्तप्रसाद उपाध्याय रहेका इलाका प्रहरी कार्यालय दुल्लुका प्रहरी निरीक्षक कृष्णबहादुर डाँगीले बताए।
तपाईंको ईमेल गोप्य राखिनेछ ।