एजेन्सी : इंडियन प्रिमियर लिगमा लखनऊ सुपर जाएन्ट्सले पञ्जाब किंगलाई २१ रनले पराजित गरेको छ।
२०० रनको विजयी लक्ष्य पछ्याएको पञ्जावले २० ओभरमा ५ विकेट गुमाएर १७८ रन मात्र बनाउन सक्यो। पञ्जाबका लागि शिखर धवनले ५० बलमा ७ चौका र ३ छक्कासहित सर्वाधिक ७० रन बनाए।
ओपनर जोनी बेयरस्टोले २९ बल खेल्दै ४२ रन जोडे। यस्तै लियम लिभिङस्टोनले १७ बलमा २८ रन बनाए।
लखनऊका लागि मयंक यादवले डेब्यु खेलमामा ३ विकेट लिन सफल भए भने मोहसिन खानले २ विकेट लिए।
त्यसअघि टस जितेर ब्याटिङ रोजेको लखनऊले निर्धारित २० ओभरमा ८ विकेट गुमाएर १९९ रन बनायो। ओपनर क्वीन्टन डीककले ३८ बलमा सर्वाधिक ५४ रन जोडे।
यस्तै क्रुनल पण्ड्याले ४३ तथा निकोलस पुरनले ४२ रन बनाए। पञ्जाबका स्याम करनले ३ अर्षदिप सिंहले २ तथा कागिशो रबाडा र राहुल चहरले १-१ विकेट लिए।
लखनऊको यो दोस्रो खेलमा पहिलो जित हो। पञ्जाब भने ३ खेलमा १ जित निकाल्न सफल रहेको छ।
आइपीएलमा आज दुई खेल हुँदै छन्। पौने ४ बजे बजे हुने खेलमा गुजरात टाईटन्स र सनराईजर्स हैदराबाद भिड्ने छन् भने साँझ पौने आठमा दिल्ली क्यापिटल्स र चेन्नाई सुपर किंग्स आमने सामने हुनेछन्।
तपाईंको ईमेल गोप्य राखिनेछ ।