काठमाडौं : संवैधानिक परिषदको बैठक बस्न नसक्दा १९ दिनदेखि प्रधानन्यायाधीशको पद रिक्त भएको छ। संविधानबमोजिम प्रधानन्यायाधीश र संवैधानिक निकायका प्रमुख र पदाधिकारीहरुको नियुक्तिको सिफारिस गर्न प्रधानमन्त्रीको अध्यक्षतामा बस्नुपर्ने संवैधानिक परिषदको बैठक बस्नु नसक्दा सर्वोच्च अदालतको नेतृत्व अहिले कामुको भरमा चलेको हो।
तत्कालीन प्रधानन्यायाधीश गोपाल पराजुलीले चैत १ मा राजीनामा दिएपछि दीपकराज जोशी कामु प्रधानन्यायाधीश भएका हुन्।
न्यायपरिषदले गत हप्ता कामु प्रधानन्यायाधीश दीपकराज जोशीसहित न्यायाधीशद्वय ओमप्रकाश मिश्र र चोलेन्द्र शमशेर राणाको अभिलेख संवैधानिक परिषद पठाएको हो। सर्वोच्चको प्रधानन्यायाधीशका लागि तीन वर्ष सर्वोच्चमा न्यायाधीश रहेको हुनपर्ने व्यवस्था छ। कामु प्रधानन्यायाधीश जोशीसहित मिश्र र राणाको योग्यता पुग्ने भएकाले परिषदले तीनै जनाको नाम संवैधानिक परिषदमा पठाएको हो। तर, प्रधानमन्त्री केपी ओली अध्यक्ष रहेको संवैधानिक परिषदको बैठक बस्न सकेको छैन।
तपाईंको ईमेल गोप्य राखिनेछ ।