काठमाडौं : कोरोना (कोभिड–१९) विश्वका एक सय २५ देशमा फैलिएको छ।
बिहीबारसम्म विश्वभर एक लाख ३० हजार संक्रमित भएका छन्। तर, नेपालमा अहिलेसम्म कोही पनि संक्रमित नभएकोमा एकातिर खुसी छ भने अर्कोतिर आशंका।
धेरैको प्रश्न छ–कतै नेपालको परीक्षणमै समस्या त छैन? स्वास्थ्य सेवा विभागका महानिर्देशक महेन्द्र श्रेष्ठ भने नेपालको परीक्षण विश्वसनीय भएको ढुक्क छन्। श्रेष्ठले भने, ‘कारोना परीक्षण गर्ने हाम्रो ल्याबमा शंका नगर्न म सबैलाई अनुरोध गर्न चाहन्छु। किनकि, हाम्रो ल्याबको गुणस्तरको अनुगमन विश्व स्वास्थ्य संगठनले पनि गरिरहेको छ। उसले समेत मान्यता दिएकाले हामीले चिन्ता गर्नुपर्ने कारण केही पनि छैन।’ यो खबर नयाँ पत्रिका दैनिकमा छ
पुनः परीक्षणका लागि हङकङ पठाउँदा पनि रिपोर्ट नेपालकै जस्तो आएको भन्दै उनले ल्याबमा शंका गर्नु आवश्यक नहरेकोमा जोड दिए।
तपाईंको ईमेल गोप्य राखिनेछ ।