समाज : सुरक्षा/अपराध

श्रीमानको कुटाइबाट श्रीमतीको मृत्यु

फाइल फाेटाे
चैत ४, २०७६

    भक्तपुर : जिल्लाको सूर्यविनायक नगरपालिका–९ नंखेलमा गत फागुन ३० गते मृत फेला परेका ३२ वर्षीया पवित्रा व्यान्जुको मृत्यु आफ्नै श्रीमानको कुटाइबाट भएको रहस्य खुलेको छ। खाना पकाउने र खाने विषयमा भएको झगडामा श्रीमान ३३ वर्षीय राजन व्यान्जुको कुटाइबाट पवित्राको मृत्यु भएको प्रहरी अनुसन्धानमा खुल्न आएको हो।

    पवित्रा आफ्नै दुईतल्ले घरको माथिल्लो तल्लामा नाकबाट रगत बगेको र शरीरका अन्य भागमा समेत चोटपटक भएको अवस्थामा मृत फेला परेकी थिइन्। घटनालगत्तै महानगरीय प्रहरी वृत्त जगातीका प्रमुख प्रहरी नायव उपरीक्षक चक्रराज जोशीको नेतृत्वमा अनुसन्धान अधिकृतसहितको टोली छानबिनका लागि घटनास्थल पुगेको थियो। टोलीको अनुसन्धानको क्रममा पवित्राको मृत्यु उनकै श्रीमान राजनको कुटाइबाट भएको खुल्न आएको हो।

    घटनालगत्तै राजनलाई पक्राउ गरी सोधपुछ गर्ने क्रममा श्रीमान-श्रीमती दुवैले सँगै बसी मादक पदार्थ सेवन गरेको र खाना पकाउने र खाने विषयमा विवाद हुँदा राजनले श्रीमती पवित्रालाई लात्ती, मुक्का र दाउरासमेतले कुटपिट गर्दा मुत्यु भएको खुल्न आएको महानगरीय प्रहरी परिसर भक्तपुरका सूचना अघिकृत प्रहरी नायव उपरीक्षक दीपक गिरीले जानकारी दिए।

    मृतकका दाजु अर्जुन भन्ने प्रेमबहादुर घर्तीसमेतको किटानी जाहेरी दरखास्तको आधारमा राजनलाई पक्राउ गरी कानूनबमोजिम अनुसन्धान कार्य भइरहेको उनले बताए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]