समाज

विपन्न परिवारलाई पाँचलाख बढीको सहयोग

चैत २०, २०७६

    उदयपुर : उदयपुरका नेकपाका जिल्ला नेता महेश रेग्मीले दैनिक ज्यालादारी गरी परिवार चलाउने गरिव, विपन्न परिवारलाई सहयोग पुग्ने उद्देश्यका साथ ५ लाख २१ हजार एकसय ३३ रूपैयाँ त्रियुगा नगरपालिकालाई हस्तान्त्रण गरेका छन्।

    लकडाउनको समयमा नगरपालिकाभित्र कमजोर आर्थिक अवस्था भएका व्यक्तिलाई दैनिकी चलाउन सहज होस भनेर सहयोगको गरेको नेता रेग्मीले जानकारी दिए। उनले भने, 'कोरोना भाइरस संक्रमणको जोखिमलाई मध्यनजर गर्दै सरकारले जारी गरेको लकडाउनका कारण दैनिक गुजारा चलाउन मुस्किल परेको छ। त्यस्त व्यक्ति तथा परिवारलाई सहज पुर्‍याउने उद्देश्यले मैले व्यक्तिगतरुपमा सहयोग गरेकाे हुँ।' 

    सरकारले जारी गरेको लकडाउनका कारण दिनभरि मजदुरी गरेर छाक टार्नेहरू बढी प्रभावित भएका छन्। रेग्मीले यस अघि पनि जिल्लामा हुने विपदमा सहयोग गर्दै आएका छन्।

    रेग्मीले केही दिनअघि जिल्लाकै कटारी नगरपालिकामा १ सय बोरा चामल, बेलका नगरपालिकामा एक लाख नगद सहयोग र रौतामाई गाउँपालिकामा ७५ हजार बराबरको सामग्री सहयोग गरेका थिए।

    नेता रेग्मीले जिल्लामा आठैवटा स्थानीय तहमा आफूले अझै सक्दो सहयोग गर्ने पनि बताए। उनका अनुसार अन्य पालिकाहरूले हालसम्म कुनै आग्रह र पूर्व ग्रह नराखी सहयोग गर्न तयार रहेको बताए।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]