कोभिड-१९ {अपडेट}

भारतबाट आएर क्वारेन्टाइनमा बसेका थप ४ जनालाई कोरोना

बारामा संक्रमितको संख्या ५९

जेठ १६, २०७७

    बारा : भारतबाट घर फर्किएर गाउँकै क्वारेन्टाइनमा बस्दै आएको बाराको पचरौता नगरपालिकाका थप चारजनामा कोरोना भाइरस संक्रमण पुष्टि भएको छ । 

    संक्रमण पुष्टि हुनेमा पचरौता नगरपालिकामा वडा नम्बर २ का २७ वर्षीय, २८ वर्षिय र ४५ वर्षीय पुरुष र वडा नम्बर ६ का २७ वर्षीय पुरुष रहेका छन् ।

    १५ दिअघि स्वदेश फर्र्किएका उनीहरुलाई बोर्डरबाटै एम्बुलेन्समा राखेर सिधै क्वारेन्टाइनमा राखिएको पचरौता नगरपालिकाका मेयर रमेशकुमार यादबले बताए ।
    गत जेठ ७ गते उनीहरुसहित ६९ जनाको स्वाब संकलन गरी परीक्षणका लागि काठमाडौंको टेकुस्थित केन्द्रीय प्रयोगशाला पठाइएको थियो । 

    यस अघि पचरौता नगरपालिकास्थित नेपाल राष्ट्रिय माध्यमिक विद्यालयमा बनाइएको क्वारेन्टाइनमा सुरक्षामा खटिएका नेपाली सेनाका दुई जवान र एकजना स्वास्थ्यकर्मी समेत संक्रमित भएका थिए । 

    कार्यरत ४१ वर्षका पुरुष स्वास्थ्यकर्मी, पचरौता नगरपालिका वडा नम्बर १ का २२ र ३० वर्षीय पुरुष, वडा नम्बर २ का २९, ३५, र ३६ वर्षीय पुरुष, वडा नम्बर ५ का ४० वर्षीय पुरुष र वडा नम्बर ७ का ५० वर्षीया महिला छन् ।

    बारामा संक्रमित ५९ पुगे

    बारामा कोरना संक्रमितको संख्या ५९ रहेको छ । शुक्रबार थप ४ जना संक्रमित थपिएसंगै संक्रमित ५९ पुगेको हो । जसमध्य एकको मृत्यु भएको छ भने दुई जना उपचारपछि घर फर्किएका छन् ।

    हालसम्म जीतपुरसिमरा उपमहानगरपालिकामा १, सिम्रौनगढ नगरपालिकामा ७, विश्रामपुर गाँउपालिकामा १, कलैया उपमहानगरपालिकामा सुरक्षाकर्मीसहित ९ जना, करैयामाई गाँउपालिकामा ३ जना, महागढीमाई नगरपालिकामा २१ जना, पचरौता नगरपालिकामा सुरक्षाकर्मी, स्वास्थ्यकर्मीसहित १७ जनामा कोरोना संक्रमण पुष्टि भएको छ।

महेश्वर अधिकारी

अधिकारी थाहा खबरका बारा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]