कोभिड-१९ {अपडेट}

रौतहटमा वडा अध्यक्षको मृत्यु, कोरोना संक्रमण आशंका

साउन १९, २०७७

    रौतहट : इशनाथ नगरपालिका-५ का वडाध्यक्ष देवेन्द्र ठाकुरको सोमबार बिहान निधन भएको छ।

    स्वासप्रश्वासमा समस्या देखिएपछि उपचारका लागि अस्पताल लैजाँदै गर्दा बाटैमा उनको निधन भएको नगरपालिकाका स्वास्थ्य शाखा प्रमुख दीनबन्धु यादवले जानकारी दिएका छन्‌।​

    स्वासप्रश्वासमा समस्या देखिएपछि निधन भएकाले निजलाई कोरोना संक्रमण आशंका गरिएको छ। उनी केही दिनयता ज्वरो, रूघा र खोकी लागेर बिरामी परेका थिए। 

    रक्तचाप र मधुमेह (प्रेसर र सुगर) को समस्या भोग्दै आएका ठाकुरले आइतबार मध्यरातमा राम्ररी सास फेर्न नसकेपछि उपचारका लागि सदरमुकाम गौरतर्फ लगिएको थियो। तर बाटैमा निधन भएपछि शव फर्काएर अहिले घरमै राखिएको छ। 

    तर, तीन दिनअघि मात्रै उनमा संक्रमण भए/नभएको बारे थाहा पाउन आरडीटी गरिएको र परीक्षण नतिजा नेगेटिभ आएको गाउँपालिकाका अधिकारीहरुले जानकारी दिएका छन्‌।​

    ​ज्यान गुमाएका यादवमा कोरोना संक्रमणको लक्षण देखिएकाले उनको परिवारका सबै सदस्यको पीसीआर परीक्षण गर्ने तयारी भइरहेको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]