काठमाडौं : पाकिस्तानको उत्तरी गिलगित बाल्टिस्तान क्षेत्रमा बिहीबार एक अज्ञात आक्रमणकारीले गोली चलाउँदा कम्तीमा छ जनाको ज्यान गएको छ घटनामा अन्य केही व्यक्ति घाइते भएको प्रहरी अधिकारीले जनाएका छन्।
गिलगितका वरिष्ठ प्रहरी अधीकृत मिर्जा हसनले सञ्चारमाध्यमलाई बताए अनुसार अज्ञात बन्दुकधारी एक समूहले नल्टार क्षेत्रस्थित पुल नजिकै यात्रुबोकेको भ्यानमा गोली हानेको थियो। हमला भएको गाडीमा महिला र केटाकेटीहरू यात्रा गरिरहेका थिए।
यात्रुवाहक गाडी गिलगितबाट नल्टारबाला जाँदै थिए र घाइतेहरूलाई नजिकैको अस्पतालमा सारिएको छ। उक्त क्षेत्रमा थप प्रहरी टोली पठाइएको छ। प्रहरीले आक्रमणकारीहरूको खोजी गरिरहेको छ। प्रहरीले आक्रमण कसले र किन गरेको भन्नेबारेमा पनि अनुसन्धान गरिरहेको बताएको छ।
तपाईंको ईमेल गोप्य राखिनेछ ।