काठमाडौं : पछिल्लो समय नेपालमा कोरोना संक्रमणदर बढिरहँदा निको हुनेको संख्या पनि बढ्दै गएको छ। स्वास्थ्य तथा जनसंख्या मन्त्रालयको तथ्यांकअनुसार २४ घण्टाभित्र १९ सय ९३ जना निको भएर घर फर्किएका छन्।
एक हप्ताको तथ्यांक हेर्दा निको हुनेको संख्या बढेको देखिन्छ। १६ गते बिहीबार ८ सय ८८ जना संक्रमणमुक्त भएका थिए भने १७ गते ९ सय २८ जनाले कोरोना जितेका थिए।
त्यस्तै १८ गते १२ सय ८७ जना निको भएका थिए। १९ गते १६ सय १२ जना ठिक भए। २० गते दुई हजार २१ जनाले कोरोना जिते भने २१ गते १७ सय ७५ निको भएका थिए। एक सातामा १० हजार पाँच सय ४ जना निको भएको मन्त्रालयले जनाएको छ।
तपाईंको ईमेल गोप्य राखिनेछ ।