संखुवासभा : संखुवासभाको मकालु गाउँपालिका–३ कोशी राजमार्गबाट प्रहरीले निकासी गर्न प्रतिबन्ध लगाइएका वनस्पति बरामद गरेको छ।
भोटखोला गाउँपालिकाको च्याम्ताङबाट खाँदबारीतर्फ ल्याउँदै गरेको ना ७ त ५६२१ नम्बरको ट्याक्टरसहित धुपी र पाखनबेद इलाका प्रहरी कार्यालय हेदाङ्नाले बरामद गरेको जिल्ला प्रहरी कार्यालय संखुवासभाका प्रहरी निरीक्षक शुभेष अधिकारीले जानकारी दिए।
मकालु बरुण राष्ट्रिय निकुञ्ज क्षेत्रको मकालु–३ बाट प्रहरीले ८ बोरा धुपी र ३ बोरा पाखनबेद बरामद गरेको प्रहरी निरीक्षक अधिकारीले बताए।
ट्याक्टरचालक खाँदबारी-३ का अनिल दर्जीलाई नियन्त्रणमा लिई थप अनुसन्धानका लागि निकुन्जमा बुझाएको जिल्ला प्रहरी कार्यालय संखुवासभाले जनाएको छ।
तपाईंको ईमेल गोप्य राखिनेछ ।