काठमाडौँ : काठमाडौँ महानगरपालिकाको नगरप्रमुख (मेयर) मा नवनिर्वाचित बालेन्द्र साह (बालेन) धन्यवाद ज्ञापन र्यालीलगत्तै उपत्यकाको फोहोर विसर्जन गरिने ठाउँ सिसडोल र बञ्चरेडाँडा पुगेका छन्।
उनी आफ्नो चिरपरिचित पहिरन अर्थात् कालो टी-शर्ट‚ कालै पाइन्ट र कोटमा देखिएका थिए। उनले त्यहाँ स्थानीयहरूसँग पनि कुराकानी गरे।
फोहोर काठमाडौँ उपत्यकामा ठूलो समस्या रहँदै आएको छ। अहिले त झन् लामो समयदेखि काठमाडौँ उपत्यकाको फोहोर उठ्न सकेको छैन। काठमाडौंका सडक र गल्लीमा फोहोरका डंगुर थुप्रिएका छन्।
बालेनले काठमाडौंको फोहोरको समस्या समाधान नगरी जितको उत्सव नमनाउने, खादा र माला नलाउने घोषणा गरेका छन्।
तपाईंको ईमेल गोप्य राखिनेछ ।