काठमाडौं : प्रहरीले ८९४ एम्पुल लागुऔषधसहित फर्पिङबाट भारतीय एक युवकलाई नियन्त्रणमा लिएको छ।
काठमाडौं दक्षिणकाली नगरपालिका-५ स्थित फर्पिङ बसपार्क चेक प्वाइन्टमा प्रहरीले चेकजाँच गर्ने क्रममा भारतको मोतिहारी बेलुवा ग्राम पञ्चायत-३ का १९ वर्षीय अनरजित कुमार सहनीलाई नियन्त्रणमा लिएको हो।
उनले शनिबार साँझ वीरगञ्जबाट काठमाडौँतर्फ आउँदै गरेको ना १ ज २२५५ नम्बरको टाटा सुमोमा चामलको बोराभित्र पत्रिकामा बेरी लुकाइ छिपाई ल्याएका थिए।
उनको साथबाट नुफिन २९९ एम्पुल, फेनारगन २९७ र डाइजेपाम २९८ एम्पुल बरामद भएको जिल्ला प्रहरी परिसर काठमाडौंले जनाएको छ।
पक्राउ परेका सहनीउपर लागुऔषध नियन्त्रण ऐन, २०३३ अनुसार प्रहरीवृत्त कीर्तिपुरबाट थप अनुसन्धान भइरहेको छ।
तपाईंको ईमेल गोप्य राखिनेछ ।