मुग्लिन : पहिरोका कारण नारायणगढ– मुग्लिन सडक दुवैतर्फ अवरुद्ध भएको छ।
चितवनको इच्छाकामना–६ तोपेखोलास्थित नाम्सी पुलमा पहिरो खसेका कारण गए रातिदेखि सडक अवरुद्ध भएको हो।
जिल्ला प्रहरी कार्यालयका प्रवक्ता नरहरि अधिकारीले बिहीबार बिहानैदेखि पहिरो हटाएर राजमार्ग खुलाउने प्रयास भइरहेको जानकारी दिए।
पहिरोकै कारण मुग्लिन–नौबिसे सडक पनि अवरुद्ध भएको छ। इच्छाकामना–४ स्थित नाग्दिखोलामा गए राति पहिरो खसेका कारण सडक दुईतर्फी अवरुद्ध भएको प्रवक्ता अधिकारीले जानकारी दिए।
तपाईंको ईमेल गोप्य राखिनेछ ।