काठमाडौं : इलिना राइबाकिनाले विम्बल्डन टेनिस अन्तर्गत महिलातर्फको उपाधि हात पारेकी छन्।
गएराति भएको फाइनलमा ट्युनिसियाकी ओन्स जाबेरलाई हराउँदै काजकिस्तानकी राइबाकिना विम्बल्डनको नयाँ च्याम्पियन बनेकी हुन्। १७ औं वरियताकी राइबाकिनाले जाबेरलाई ३–६,६–२ र ६–२ ले पराजित गरिन्। २३ वर्षीय राइबाकिनाको यो करियरको पहिलो ग्रान्डस्लाम उपाधि हो। उनले पहिलो पटक विम्बल्डनको उपाधि जितेकी हुन्।
राइबाकिना ग्रान्डस्लाम जित्ने र विम्बल्डन जित्ने पहिलो काजाकिस्तानको खेलाडी बनेकी छिन्। पुरुषतर्फको उपाधिका लागि आज नोभाक जोकोभिक र निक किग्रियोस् भिड्ने छन्।
तपाईंको ईमेल गोप्य राखिनेछ ।