काठमाडौं : राष्ट्रिय स्वतन्त्र पार्टीका सभापति एवं चितवन निर्वाचन क्षेत्र नम्बर २ का प्रतिनिधिसभा सदस्य उम्मेदवार रवि लामिछानेले निर्वाचनको मुखमा भ्रम फैलाउने उद्देश्यले अनेकन फण्डा भइरहेको बताएका छन्। आफ्नो ४ वर्षअघि सल्टिएको नागरिकतासम्बन्धी विषय चुनावी फण्डा मात्रै भएको उनको दाबी छ।
उक्त विषयमा सामाजिक संजालमा बोल्दै लामिछानेले आफूविरुद्ध परेको उजुरीका बारे निर्वाचन आयोगलाई जवाफ पठाउने बताए।
'मैले जवाफ त दिनु नै पर्छ। तर, जुन विषय उठाइएको छ आजभन्दा ४ भन्दा अगाडि सल्टिएको विषय हो। सबै जानकारी गराइसकेको विषय हो। उजुरी पर्नु ठूलो कुरा होइन, उजुरी परिसकेपछि जवाफ दिनुपर्छ’, उनले भने।
नागरीकताको विषयसमेतमा विवेचना भई सेटल भइसकेको कुरालाई आफूले कति पटक स्पष्टीकरण दिनु पर्ने हो? भन्दै प्रश्न पनि गरेका छन्।
तपाईंको ईमेल गोप्य राखिनेछ ।