संयुक्त राष्ट्रसंघले सुडानका १४ स्थानमा भोकमरी हुनसक्ने चेतावनी दिएको छ।
‘ग्रेटर डार्फर, ग्रेटर कोर्डोफान र अल जजिरा राज्यहरूका साथै खार्तुमका केहीस्थान लगायतका १४ स्थानमा भोकमरीको जोखिम छ’, संयुक्तराष्ट्रले आफ्नो वेबसाइटमा उल्लेख गरेको छ ।
वेबसाइटमा सुडानका १० राज्यका सात लाख ५५ हजार मानिस भोकमरीको विपत्तिजनक पाँचौ चरणको सामना गरिरहेको उल्लेख छ । सुडानका ८५ लाख मानिस अर्थात १८ प्रतिशत जनसङ्ख्या खाद्य सुरक्षाबाट पीडित रहेको बताइएको छ।
सुडान सन् २०२३ अप्रिलको मध्यदेखि सुडानी सशस्त्र बल र अर्धसैनिक र्यापिड सपोर्ट फोर्सबीचको घातक द्वन्द्वमा फसेको छ। द्वन्द्वका कारण १६ हजार ६५० भन्दा बढीले ज्यान गुमाइसकेको मानवीय मामिलाको समन्वयका लागि संयुक्त राष्ट्रसंघको कार्यालयले जनाएको छ।
तपाईंको ईमेल गोप्य राखिनेछ ।