राष्ट्रिय खेलकुदमा विभागीयको दबदबा, आधा पदक आर्मीलाई नै

इटहरी : पूर्वाञ्चलमा जारी सातौं राष्ट्रिय खेलकुद प्रतियोगितामा आइतबारसम्म ७४ वटा स्वर्ण पदकको टुंगो लागेको छ। ७४ मध्ये आधा स्वर्ण पदक विभागीय टीम आर्मीले जितेको छ। नेपाल आर्मीले ३६ स्वर्ण, १९ रजत र १३ कास्य पदक जितेको छ।

पदक तालिकाको दोश्रो स्थानमा रहेको नेपाल प्रहरीले १५ स्वर्ण, १३ रजत र १७ कास्य पदक गरी कुल ४५ पदक जितेको छ। तेश्रो स्थानमा रहेको अर्को विभागीय टिम सशस्त्र प्रहरीले ८ स्वर्ण ११ रजत र १७ कास्य गरी कुल ३६ पदक जितेको छ।

क्षेत्रीय टिमहरुमाम मध्यमाञ्चलले सबैभन्दा धेरै ६ स्वर्ण, १३ रजत र १२ कास्य गरी ३१ पदक जितेको छ। पूर्वाञ्चलले ३ स्वर्ण ५ रजत र ११ कास्य गरी १९ पदक जितेको छ। पश्चिमाञ्चलले २ स्वर्ण १० रजत र १ कास्य गरी १३ पदक जितेको छ।

मध्यपश्चिमाञ्चलले पनि २ स्वर्ण, २ रजत र ६ कास्य जितेको छ भने सुदूर पश्चिमाञ्चलले २ स्वर्ण १ रजत र १२ कास्य जितेको छ।

हेर्नुस् कसले कति जिते पदक?